Skip to main content

டிரான்ஸ்ஃபார்மர் வெடித்து 16 பேர் உயிரிழப்பு

Published on 20/07/2023 | Edited on 20/07/2023

 

Tragedy of power outage; Uttarakhand incident

 

டிரான்ஸ்ஃபார்மர் வெடித்து மின் கசிவு ஏற்பட்ட விபத்தில் உதவி ஆய்வாளர், பாதுகாவலர் என 16 பேர் உயிரிழந்த சம்பவம் உத்தரகாண்டில் நிகழ்ந்துள்ளது.

 

உத்தரகாண்ட் மாநிலம் ஜலோளி பகுதியில் கங்கை நதி தூய்மைத் திட்டத்தின் கீழ் அலக்நந்தா ஆற்றங்கரையில் பாலம் கட்டும் பணி நடைபெற்று வந்தது. அப்பொழுது திடீரென அங்கு டிரான்ஸ்ஃபார்மர் வெடித்து மின் கசிவு ஏற்பட்டது. இதில் இரண்டு தொழிலாளர்கள் உயிரிழந்தனர். தொடர்ந்து ஆற்றுப் பாலத்தின் கைப்பிடியில் இரண்டாவது முறையாக மின் கசிவு ஏற்பட்டது. இதிலும் பலர் சுருண்டு விழுந்தனர். மொத்தமாக 16 பேர் உயிரிழந்துள்ளதாக உத்தரகாண்ட் அரசு தெரிவித்துள்ளது. 11 பேர் காயங்களுடன் மீட்கப்பட்டதாகவும் போலீசார் தரப்பில் தெரிவிக்கப்பட்டுள்ளது. படுகாயம் அடைந்த ஏழு பேர் ஹெலிகாப்டர் மூலம் ரிஷிகேஷ் கொண்டு செல்லப்பட்டு எய்ம்ஸ் மருத்துவமனையில் அனுமதிக்கப்பட்டுள்ளனர் எனத் தகவல்கள் வெளியாகியுள்ளன.

 

 

சார்ந்த செய்திகள்

 

Next Story

'வதந்தியே... நம்பாதீர்கள்...'-மின்சார வாரியம் மறுப்பு

Published on 11/06/2024 | Edited on 11/06/2024
 'It's rumour...don't believe...'-Electricity Board Denial

தமிழகத்தில் ஜூலை 1 முதல் மீண்டும் மின் கட்டணம் உயர்த்தப்படுவதாக தகவல்கள் வெளியாகி இருந்த நிலையில் அந்த தகவல் முற்றிலும் போலியானது, வதந்திகளை நம்ப வேண்டாம் என தமிழக மின்வாரியம் தெரிவித்துள்ளது.

முன்னதாக தமிழகத்தில் ஜூலை 1 முதல் மின் கட்டணம் உயர இருப்பதாகவும் தகவல்கள் வெளியாகி இருந்தது. சமூக வலைத்தளங்களில் உலாவிய இந்தத் தகவல்கள் மின் நுகர்வோர்களுக்கு அதிர்ச்சியைக் கொடுத்திருந்தது. இந்தநிலையில் அரசு சார்பில் மின்சார வாரியம் இந்த தகவலை போலியானது என மறுத்துள்ளது. '2022 ஆம் ஆண்டு ஜூலையில் வெளியான செய்தியை தற்போது சமூக வலைத்தளங்களில் விஷமிகள் பகிர்ந்து வருகின்றனர். எனவே ஜூலை 1 முதல் மின் கட்டணம் உயர்வு என பரவும் செய்தி வதந்தியே. தற்போது மின்கட்டண உயர்வு செய்யப்படவில்லை. வதந்திகளை நம்பாதீர்கள்' என அரசு சார்பில் விளக்கம் கொடுக்கப்பட்டுள்ளது.

Next Story

துணி காயவைத்த கணவர் மீது பாய்ந்த மின்சாரம்; காப்பாற்ற முயன்ற மனைவியும் உயிரிழப்பு

Published on 10/06/2024 | Edited on 10/06/2024
Electric shock on husband drying clothes; The wife who went to save also lost her life

துணி காயவைத்த கணவர் மீது மின்சாரம் தாக்கிய நிலையில்  கணவனைக் காப்பாற்ற சென்ற மனைவி மீதும் மின்சாரம் தாக்கி இருவர் உயிரிழந்த சம்பவம் கள்ளக்குறிச்சியில் சோகத்தை ஏற்படுத்தியுள்ளது.

கள்ளக்குறிச்சி மாவட்டம் சங்கராபுரம் அருகே உள்ளது மேல்சிறுவளூர் கிராமம். இக்கிராமத்தை சேர்ந்த ராமு என்பவர் பைனான்ஸில் வேலை செய்து வருகிறார். இவரது மனைவி சரளா. இந்த தம்பதியினருக்கு இரண்டு பெண் குழந்தைகள் உள்ளனர்.

இந்நிலையில் இன்று தனது வீட்டில் வாசிங்மிஷினில் துவைத்த துணியை காயவைக்க சென்றுள்ளார். அங்கு இரும்பு கம்பியில் துணி எடுத்து போடும் போது ராமு மீது மின்சாரம் தாக்கி உள்ளது. அவர் கத்தியுள்ளார். இதனைப் பார்த்த ராமுவின் மனைவி சரளா, தனது கணவரை காப்பாற்ற முயன்ற போது அவர் மீதும் மின்சாரம் தாக்கியது.

இதில் ராமு மற்றும் சரளா ஆகிய இருவரும் உயிருக்கு ஆபத்தான நிலையில் ஆம்புலன்ஸ் மூலம் கள்ளக்குறிச்சி அரசு மருத்துவக் கல்லூரி மருத்துவமனைக்கு பொதுமக்களால் அனுப்பி வைக்கப்பட்டனர். மருத்துவமனையில் இருவரையும் பரிசோதித்த மருத்துவர்கள் அவர்கள் ஏற்கனவே உயிரிழந்து விட்டதாக தெரிவித்தனர். இது தொடர்பாக வடபொன்பரப்பி காவல் நிலைய போலீசார் வழக்குப்பதிவு செய்து விசாரணை மேற்கொண்டு வருகின்றனர்.