Skip to main content

"தேவையற்ற பொதுத்துறை நிறுவனங்களைத் தனியாரிடம் அளிப்பதே கொள்கை" - பிரதமர் மோடி!

Published on 11/10/2021 | Edited on 11/10/2021

 

Narendra Modi

 

இந்திய விண்வெளி சார்ந்த தொழில்துறையை மேம்படுத்தும் விதமாகப் பிரதமர் மோடி இன்று, இந்திய விண்வெளி சங்கத்தைத் தொடங்கி வைத்தார். அப்போது பேசிய அவர், இந்தியாவில் இது போன்ற தீர்க்கமான அரசு இதற்கு முன் இருந்ததில்லை எனத் தெரிவித்தார். 

 

தொடர்ந்து பிரதமர் மோடி, இந்த நிகழ்வில் பேசியதாவது; 

 

விண்வெளி சீர்திருத்தத்திற்கான எங்களது அணுகுமுறை நான்கு தூண்களை அடித்தளமாகக் கொண்டது. அவை தனியார்த் துறைக்குப் புதுமையான சுதந்திரம், கையாளுபவராக அல்லாமல் செயல்படுத்துபவராக இருக்கும் அரசாங்கம், இளைஞர்களை வருங்காலத்திற்கு தயாராக்குவது, விண்வெளி துறையைச் சாதாரண மனிதனின் முன்னேற்றத்திற்கான ஆதாரமாகக் கருதுதல் ஆகியவை ஆகும். ஏர் இந்தியாவைத் தனியார் மயமாக்கியது அரசின் அர்ப்பணிப்பைக் காட்டுகிறது. 

 

தேவையற்ற துறைகள் தனியாரிடம் வழங்கப்பட வேண்டும் என்பதே பொதுத்துறை நிறுவனங்கள் குறித்த அரசின் கொள்கை. இந்தியாவில் பார்வை தெளிவாக உள்ளதால், அது பரந்த அளவிலான ஒரு சீர்திருத்தத்தைக் காண்கிறது. விண்வெளித்துறையில் அனைத்து விதமான தொழில்நுட்பங்களையும் கொண்ட சில நாடுகளில் இந்தியாவும் ஒன்று. 


இவ்வாறு பிரதமர் மோடி தெரிவித்துள்ளார்.

 

 

சார்ந்த செய்திகள்

Next Story

“சோனியா காந்தி நீண்ட ஆயுளுடன் ஆரோக்கியமாக வாழ வேண்டும்” - பிரதமர் வாழ்த்து

Published on 09/12/2023 | Edited on 09/12/2023
PM Modi wishes Sonia Gandhi on her birthday
கோப்புப்படம்

முன்னாள் காங்கிரஸ் கட்சியின் தலைவர் சோனியா காந்தியின் பிறந்தநாளை அக்கட்சியின் தொண்டர்கள் கொண்டாடி வருகின்றனர். பிறந்த நாளையொட்டி அரசியல் கட்சி தலைவர்கள் பலரும் சோனியா காந்திக்கு வாழ்த்து தெரிவித்து வருகின்றனர். 

அந்த வகையில் தமிழக முதல்வர் ஸ்டாலின் வெளியிட்ட வாழ்த்து பதிவில், “அர்ப்பணிப்புள்ள பொது வாழ்வின் எடுத்துக்காட்டாக விளங்கும் காங்கிரஸ் நாடாளுமன்றக் கட்சித் தலைவர் சோனியா காந்திக்கு பிறந்தநாள் வாழ்த்துகள். அவர் நல்ல ஆரோக்கியத்துடன் நீண்ட ஆயுளுடன் வாழ வாழ்த்துகிறேன். எதேச்சதிகார சக்திகளிடமிருந்து இந்தியாவைக் காப்பாற்றுவதற்கான நமது ஒன்றுபட்ட முயற்சியில் அவரது ஆழ்ந்த தொலைநோக்கு பார்வையும் அனுபவச் செல்வமும் தொடர்ந்து வழிகாட்டும் வெளிச்சமாக இருக்கட்டும்” எனத் தெரிவித்துள்ளார்.

இதனைத் தொடர்ந்து சோனியா காந்திக்கு வாழ்த்து தெரிவித்துள்ள பிரதமர் மோடி, “சோனியா காந்தி நீண்ட ஆயுளுடன் ஆரோக்கியமாக வாழ வேண்டும் என்று தெரிவித்துள்ளார்.

Next Story

“என்னை மோடிஜி என்று அழைக்க வேண்டாம்” - பிரதமர் மோடி

Published on 07/12/2023 | Edited on 07/12/2023

 

"Don't call me Modiji" - PM Modi

 

என்னை மோடிஜி என்று அழைக்க வேண்டாம் எனப் பிரதமர் மோடி தெரிவித்துள்ளார்.

 

நாடாளுமன்ற குளிர்கால கூட்டத்தொடர் கடந்த 4 ஆம் தேதி தொடங்கி நடைபெற்று வருகிறது. இந்த கூட்டத்தொடர் டிசம்பர் 22 ஆம் தேதி வரை மொத்தம் 19 நாட்கள் நடைபெற உள்ளது. மேலும் இந்த கூட்டத் தொடரில் முக்கிய மசோதாக்கள் தாக்கல் செய்யப்படும் எனவும் தகவல் வெளியாகி இருக்கிறது.

 

இந்நிலையில் பாஜக நாடாளுமன்ற குழுக்கூட்டம் நடைபெற்றது. இந்த கூட்டத்தில் பிரதமர் மோடி பேசுகையில், “என்னை மோடிஜி என்று அழைக்க வேண்டாம். மோடி என்று அழைத்தால் போதும். மோடிஜி எனக்கூறி என்னை மக்களிடமிருந்து தள்ளிவைத்துவிட வேண்டாம். பொதுமக்கள் என்னை மோடி என்றே அறிவர். மக்களும் அப்படியே நேசிக்கின்றனர். இந்த வெற்றி என் தனிப்பட்ட வெற்றியல்ல. யாரையும் இதில் தனிப்பட்டு பாராட்ட வேண்டியதுமில்லை. இது ஆயிரக்கணக்கானோரின் உழைப்பால் கிடைத்த வெற்றி. நம்மோடு இன்று இருப்பவர்கள், இல்லாதவர்கள் என அனைவரும் பாஜகவுக்கு பல வருடம் சேவை செய்துள்ளனர். எனவே என்றும் அவர்கள் நம்மோடு இருப்பார்கள்” எனத் தெரிவித்துள்ளார்.