Skip to main content

ராகிங்கை தடுக்க கல்லூரிகளுக்கு புதிய கட்டுப்பாடுகள்; யுஜிசி சுற்றறிக்கை

Published on 19/09/2022 | Edited on 19/09/2022

 

New regulations for colleges to prevent ragging; UGC Circular

 

அனைத்து கல்லூரி மற்றும் பல்கலைக்கழகங்களிலும் கண்காணிப்பு கேமிராக்கள் பொருத்த வேண்டும் என பல்கலைக்கழக மானியக்குழு (யுஜிசி) உத்தரவிட்டுள்ளது.

 

கல்லூரி மற்றும் பல்கலைக்கழகங்களில் நடைபெறும் ராகிங் போன்றவற்றை தடுக்க வகுப்பறை மற்றும் விடுதிகளில் கட்டாயம் கண்காணிப்பு கேமராக்கள் பொருத்த வேண்டும் எனவும் ராகிங் தடுப்பு நடவடிக்கைகள் தொடர்பாக மாணவர்களுக்கு விழிப்புணர்வை ஏற்படுத்த வேண்டும் எனவும் யுஜிசி அனைத்து பல்கலைக்கழகத்திற்கும் சுற்றறிக்கை அனுப்பியுள்ளது. 

 

அதில் குறிப்பிட்டுள்ளதாவது...

ராகிங்கை தடுக்க அனைத்து கல்லூரிகளிலும், விடுதிகளிலும் கண்காணிப்பு கேமிராக்கள் பொருத்த வேண்டும். ராகிங் பற்றிய விழிப்புணர்வை மாணவர்களுக்கு ஏற்படுத்த வேண்டும். அரசின் இணையதளத்தில் அனைத்து மாணவர்களும் பெற்றோர்களும் ராகிங் தடுப்பு உறுதி சான்றை சமர்ப்பிக்க வேண்டும். கல்லூரிகளில் அனைத்து இடங்களிலும் ராகிங் தடுப்பு குறித்தான விழிப்புணர்வு போஸ்டர்களை ஒட்ட வேண்டும். 

 

பேராசிரியர்கள் திடீர் ஆய்வுகளை மேற்கொள்ள வேண்டும்.ராகிங்கில் ஈடுபட்ட நபர்கள் தண்டிக்கப்பட வேண்டும். அவ்வாறு இல்லையெனில் கல்லூரி நிறுவனங்களின் மீது கடும் நடவடிக்கை பாயும். ராகிங் தடுப்புக்கான தொலைபேசி எண் 18001805522 அறிவிக்கப்பட்டுள்ளது. இதில் 24 மணி நேரமும் மாணவர்கள் தங்களது புகார்களை தெரிவிக்கலாம்.

 


 

சார்ந்த செய்திகள்

 

Next Story

கடல் அலையில் சிக்கி கல்லூரி மாணவர் உயிரிழப்பு!

Published on 08/06/2024 | Edited on 08/06/2024
College student passed away in sea waves

சிதம்பரம் அடுத்த மஞ்சகுழி கிராமத்தைச் சேர்ந்தவர் சங்கர். இவரின் மகன் அன்பரசன்(22). பொறியியல் பயின்று வருகிறார்.  அவருடன்  அவரது நண்பர்களான அதே பகுதியைச் சேர்ந்த தமிழ் 21, 17 வயது சிறுவன் ஆகிய 3 பேரும் பரங்கிப்பேட்டை அருகே உள்ள சாமியார் பேட்டை கடற்கரையில் வெள்ளிக்கிழமை மாலை குளித்து கொண்டிருந்தனர். இதில் அன்பரசன் எதிர்பாராதவிதமாக  கடல் அலையில் சிக்கியுள்ளார்.

உடனடியாக அவரது  நண்பர்கள் கடல் அலையில் சிக்கியவரை  மீட்டு இருசக்கர வாகனத்தில் பி.முட்லூர் அரசு ஆரம்ப சுகாதார நிலையத்திற்கு கொண்டு சென்றனர். அப்போது அவரை பரிசோதித்த மருத்துவர்கள் ஏற்கெனவே இறந்துவிட்டார் என உறுதிபடுத்திய நிலையில் அவரது சடலத்தை  வீட்டிற்கு எடுத்துச் சென்று விட்டனர். இதுகுறித்து தகவல் அறிந்த புதுச்சத்திரம் காவல் ஆய்வாளர் சுஜாதா சடலத்தை  மீட்டு உடற் கூறாய்வுக்கு அனுப்பினார். இதனால் அங்கு சிறிது நேரம் பரபரப்பு ஏற்பட்டது.

Next Story

“மாணவர்களின் கவனத்திற்கு” - அரசு போக்குவரத்துக்கழகம் முக்கிய அறிவுறுத்தல்!

Published on 07/06/2024 | Edited on 07/06/2024
“Attention Students” - State Transport Corporation Important Instruction!

தமிழ்நாட்டில் கோடை விடுமுறை முடிந்து பள்ளிகள் ஜுன் 6 ஆம் தேதி திறக்கப்படும் எனப் பள்ளிக்கல்வித்துறை ஏற்கெனவே அறிவித்திருந்தது. இருப்பினும் கோடை வெயிலின் தாக்கத்தால், பள்ளிகள் திறப்பு ஜுன் 10 ஆம் தேதிக்கு ஒத்திவைக்கப்படுவதாக பள்ளிக்கல்வித்துறை அறிவித்திருந்தது. அதாவது வெயிலின் தாக்கத்தால் 4 நாட்கள் கழித்து பள்ளிகள் ஜூன் 10 ஆம் தேதி திறக்கப்பட உள்ளது குறிப்பிடத்தக்கது.

இந்நிலையில் சென்னை மாநகர போக்குவரத்து கழகம் வெளியிட்டுள்ள அறிவிப்பில், “2024 ஜுன் 10 ஆம் தேதி முதல் பள்ளிகள் மற்றும் அரசு கலை மற்றும் அறிவியல் கல்லூரி அரசு பல் தொழில்நுட்ப கல்லூரி, அரசு தொழிற்பயிற்சி நிலையம் ஆகியவை திறக்கப்பட உள்ளது. இதனை முன்னிட்டு சென்னை மாநகர போக்குவரத்து கழகத்தால் 2023-24 கல்வியாண்டில் வழங்கப்பட்ட பயண அட்டை மற்றும் பள்ளிகளில் வழங்கப்பட்ட புகைப்படத்துடன் கூடிய அடையாள அட்டை அல்லது பள்ளிச் சீருடையுடன் தங்கள் இருப்பிடத்திலிருந்து தாம் பயிலும் பள்ளி வரையிலும் கட்டணமில்லாமல் பயணம் மேற்கொள்ளலாம். 

“Attention Students” - State Transport Corporation Important Instruction!

அதே போன்று அரசு கலை மற்றும் அறிவியல் கல்லூரி அரசு பல் தொழில்நுட்ப கல்லூரி, அரசு தொழிற்பயிற்சி நிலைய மாணவ - மாணவியர்கள் 2023-24 ஆண்டில் வழங்கப்பட்ட கட்டணமில்லா பேருந்து பயண அட்டை அல்லது தங்களது கல்வி நிறுவனத்தால் வழங்கிய அடையாள அட்டையை நடத்துநரிடம் காண்பித்து கட்டணமின்றி பயணிக்க அனுமதிக்கப்படுகிறது.

பள்ளி கல்விதுறையுடன் இணைந்து கட்டணமில்லா பயண அட்டையினை இம்மாத இறுதிக்குள் வழங்க ஏற்பாடு செய்யப்பட்டுள்ளது. மேலும் பள்ளி துவங்கும் மற்றும் முடியும் நேரம் வரை பேருந்துகள் சரியாக இயங்குவதை கண்காணித்திட அலுவலர்கள் குழுக்கள் நியமிக்கப்பட்டுள்ளது. மேலும், உரிய பேருந்து நிறுத்தத்தில் பேருந்துகளை நிறுத்தி மாணவ - மாணவியர்களை பாதுகாப்பாக ஏற்றி இறக்கி செல்ல அனைத்து மாநகர போக்குவரத்து கழக நடத்துநர்  - ஓட்டுநர்களுக்கும் தக்க அறிவுரை வழங்கப்பட்டுள்ளது” எனத் தெரிவிக்கப்பட்டுள்ளது.