Skip to main content

குரங்குகளின் சேட்டையை அடக்க கரடி வேஷம் போட்ட இளைஞர்கள்... அடங்கிய குரங்குகள்!

Published on 30/01/2020 | Edited on 30/01/2020

சேட்டை செய்யும் குரங்குகளை அடக்க கிராம மக்கள் கரடி வேஷம் போட்ட நிகழ்வு ஆச்சரியத்தை ஏற்படுத்தியுள்ளது. உத்திர பிரதேச மாநிலம் சிக்கந்தப்பூர் பகுதியில் நூற்றுக்கும் மேற்பட்ட குரங்கள் சுற்றித்திரிவதாக அப்பகுதி பொதுமக்கள் புகார் தெரிவித்த நிலையில் 10க்கும் மேற்பட்ட சிறுவர்களை குரங்குகள் கடந்த ஒரு வாரத்தில் மட்டும் கடித்துள்ளன. இதனால் அதிர்ச்சி அடைந்த கிராம மக்கள் வனத்துறையினரிடம் புகார் அளித்துள்ளனர்.



புகார் அளித்த சில நாட்கள் ஆன நிலையிலும் அதுகுறித்து அதிகாரிகள் நடவடிக்கை எடுக்காத காரணத்தால் கிராம மக்கள் தற்போது நூதனமான முறையில் குரங்குகளை கட்டுக்குள் கொண்டுவந்துள்ளனர். அதன்படி கிராமத்தை சேர்ந்த இளைஞர்கள் இருவருக்கு கரடி வேஷம் போட்டு பகல் நேரங்களில் கிராமத்தை சுற்றி வர சொல்கிறார்கள். குரங்குகளும் கரடி வருவதாக நினைத்து  கொண்டு மரங்களில் பதுங்கிக் கொள்கின்றன. குரங்குகளின் சேட்டையை குறைந்த மகிழ்ச்சியில் கிராம மக்கள் தங்களின் அன்றாட பணியினை தற்போது செய்து வருகிறார்கள். 
 

 

சார்ந்த செய்திகள்

 

Next Story

பரிதாபமாக உயிரிழந்த குரங்கு; மனிதனைப் போல் அடக்கம் செய்த மக்கள்

Published on 25/06/2024 | Edited on 25/06/2024
People buried  a monkey who passed away

திருப்பத்தூர் மாவட்டம் ஆம்பூர் அருகே உள்ளது மின்னூர். இந்தப் பகுதியில் உள்ள சென்னை பெங்களூர் தேசிய நெடுஞ்சாலையில் ஆண் குரங்கு ஒன்று சாலையைக் கடக்க முயன்ற போது சென்னையில் இருந்து பெங்களூர் நோக்கி அதி வேகமாக சென்ற கார் மோதி விபத்துக்குள்ளானது. இதில் குரங்கு பரிதாபமாக உயிரிழந்தது. 

இதனைக் கண்ட அப்பகுதியைச் சேர்ந்த பொதுமக்கள் உயிரிழந்த குரங்கிற்கு மனிதர்களைப் போல பூக்களால் அலங்கரித்து பூஜை செய்து வழிபட்டு பின்னர் பாடை கட்டி தூக்கிச் சென்று அடக்கம் செய்தனர். இதனைத் தொடர்ந்து வரும் ஒன்பதாம் நாள் காரிய நிகழ்ச்சி நடத்துவதாகவும் அப்பகுதி மக்கள் தெரிவித்துள்ளனர்.

ஆறறிவு படைத்த சில மனிதர்களுக்கு உதவ முன்வராத மக்கள் மத்தியில் வாய் பேச முடியாத குரங்கின் மறைவிற்கு மனிதர்களைப் போல அலங்கரித்து பூஜை செய்து அடக்கம் செய்த அப்பகுதி மக்களை சமூக ஆர்வலர்கள் மற்றும் வன ஆர்வலர்கள் வெகுவாக பாராட்டி வருகின்றனர்.

Next Story

உயிருக்குப் போராடிய குரங்கு; மனிதநேயத்துடன் காப்பாற்றிய வாட்ச்மேன்

Published on 24/06/2024 | Edited on 24/06/2024
watchman was humanity saved the monkey who was fighting for his life

திருப்பத்தூர் மாவட்டம் நாட்றம்பள்ளி அடுத்த டி வீரப்பள்ளி பகுதியில் தனியார் பள்ளிக்கு அருகாமையில் உள்ள டிரான்ஸ்பார்மரில் அவ்வழியாகச் சென்ற குரங்கு ஒன்று தாவி செல்லும் பொழுது மின்சாரம் தாக்கி சுயநினைவின்றி கீழே விழுந்தது.

அப்போது அந்தத் தனியார் பள்ளியில் வாட்ச்மேனாக பணிபுரியும் முருகன் என்பவர் உடனடியாக மின்சாரம் தாக்கி கீழே விழுந்த குரங்கின் அருகே ஓடிச்சென்று பார்த்தவர் அதற்கு உயிர் இருப்பதை அறிந்து ஓடிபோய் தான் பயன்படுத்தும் குடிநீர் பாட்டிலில் இருந்த தண்ணீரை ஊற்றி அதற்கு குளிப்பாட்டி ஒரு துணியால் அதைச் சுத்தம் செய்து கருணையுடனும் மனிதநேயத்துடனும் செயல்பட்டுள்ளார். பின்னர் அந்த குரங்கிற்கு மீண்டும் சுயநினைவை கொண்டு வந்தார்.

அதுமட்டுமின்றி அந்தக் குரங்கு மின்சாரம் தாக்கி கீழே விழுந்ததால் ஏற்பட்ட ரத்த காயங்களுக்கு மருத்துவ உதவி செய்ய வேண்டும் என்பதற்காக உடனடியாக அருகாமையில் இருந்த மருந்து கடையில் காயத்திற்கு போடும் மருந்து வாங்கி வந்து அதற்கு முதல் உதவி செய்தார்.

பின்பு பள்ளியில் விடுப்பு வாங்கிக்கொண்டு அடிப்பட்ட அந்தக் குரங்கை தூக்கிக்கொண்டு தியானம் பகுதியில் இயங்கும் அரசு கால்நடை மருத்துவமணைக்கு எடுத்துச் சென்று குரங்குக்கு சிகிச்சை அளித்து காப்பாற்றினார். இந்தச் சம்பவம் பொதுமக்களிடையே பெரும் வரவேற்பையும் பாராட்டையும் பெற்றுள்ளது குறிப்பிடத்தக்கது.