Skip to main content

ஆந்திரா தெலுங்கானாவில் நிலநடுக்கம்; மக்கள் அச்சம்

Published on 20/02/2023 | Edited on 20/02/2023

 

Earthquake in Andhra Telangana; People fear

 

ஆந்திரா மற்றும் தெலுங்கானாவில் சில இடங்களில் நேற்று நிலநடுக்கம் ஏற்பட்டதால் மக்கள் அச்சம் அடைந்துள்ளனர்.

 

கடந்த சில தினங்கள் முன் துருக்கி மற்றும் சிரியாவில் நிலநடுக்கம் ஏற்பட்டது. இதில் தற்போதுவரை 45 ஆயிரத்திற்கும் அதிகமான மக்கள் பலியாகினர். மீட்புப் பணிகள் தொடர்ந்து நடைபெற்று வரும் நிலையில் பலியானோர் எண்ணிக்கை மேலும் அதிகரிக்கும் என அஞ்சப்படுகிறது.

 

இந்நிலையில் நேற்று காலை தெலுங்கானா மற்றும் ஆந்திராவில் லேசான நிலநடுக்கம் ஏற்பட்டுள்ளது. தெலுங்கானா மாநிலம் சிந்தலபாலம், மேலச்செருவு உள்ளிட்ட கிராமங்களில் நேற்று காலை லேசான நிலநடுக்கம் ஏற்பட்டுள்ளது. அதேபோல் ஆந்திர மாநிலம் என்.டி.ஆர் பல்நாடு ஆகிய மாவட்டங்களிலும் நந்திகிராம், கஞ்சிக செர்லா, சந்தர்ல பாடு, வீரபாடு மண்டலங்களிலும், பல்நாடு மாவட்டத்தில் அச்சம்பேட்டை, மாபாடு, சல்லக்கா கிஞ்ச பள்ளி, பளி சந்தலை சுற்று வட்டார பகுதிகளில் உள்ள பல கிராமங்களிலும் நிலநடுக்கம் ஏற்பட்டுள்ளது. 

 

ரிக்டர் அளவுகோலில் 3 ஆக பதிவான இந்த நிலநடுக்கத்தால் மக்கள் அச்சத்தில் உள்ளனர். இந்த நில நடுக்கத்தால் எந்த பாதிப்பும் ஏற்படவில்லை. கிருஷ்ணா நதியை ஒட்டிய பகுதிகளில் இந்த நிலநடுக்கம் ஏற்பட்டுள்ளது என ஹைதராபாத்தை தளமாகக் கொண்ட தேசிய புவி இயற்பியல் ஆராய்ச்சி நிறுவனத்தின் விஞ்ஞானிகள் கூறுகின்றனர்.

 

கடந்த 2020 ஆம் ஆண்டு ஜனவரி 20 ஆம் நாளில் ஆந்திர மாநிலம் குண்டூர் மாவட்டத்தில் உள்ள புளிஞ்சிட்டாலா கிராமத்தில் 4.7 ரிக்டர் அளவுகோலில் நிலநடுக்கம் பதிவானதும் குறிப்பிடத்தக்கது. 

 


 

சார்ந்த செய்திகள்

 

Next Story

குடிபோதையில் வாலிபர் செய்த கொடூரச் செயல்; கட்டிப்போட்டு உதைத்த பொதுமக்கள்!

Published on 19/07/2024 | Edited on 19/07/2024
A teenager who bit a calf while drunk and drank the blood

ஆந்திரப் பிரதேச மாநிலம், சித்தூர் மாவட்டம் ஒண்டிப்பள்ளி பகுதியைச் சேர்ந்தவர் சுப்பிரமணி (29). இவர் மதுப் பழக்கத்துக்கு அடிமையானவர் என்று கூறப்படுகிறது. சம்பவம் நடந்த அன்று, சுப்பிரமணி மது குடித்துவிட்டு அந்த பகுதியில் சுற்றித் திரிந்தார். 

அப்போது, அங்கு மரத்தில் கட்டி வைக்கப்பட்டிருந்த ஒரு கன்றுக்குட்டியின் கழுத்தை திடீரென கடித்து அதன் ரத்தத்தை குடித்தார். மேலும், கன்றுக்குட்டியைப் பல இடங்களில் கடித்து ரத்தத்தைக் குடித்ததில், படுகாயமடைந்து கன்றுக்குட்டி சம்பவ இடத்திலேயே துடிதுடித்து பரிதாபமாக உயிரிழந்தது. இதனைக் கண்டு அதிர்ச்சியடைந்த அங்கிருந்த பொதுமக்கள், சுப்புரமணியைப் பிடித்து அங்குள்ள மரத்தில் கட்டிப்போட்டு சரமாரியாக தாக்கியுள்ளனர். 

இதனையடுத்து, இந்தச் சம்பவம் குறித்து கிராம மக்கள் போலீசாருக்கு தகவல் கொடுத்தனர். தகவல் அறிந்து விரைந்து வந்த கூடுபள்ளி போலீசார், கன்றுக்குட்டியை கொடூரமாக கடித்து ரத்தத்தைக் குடித்த சுப்பிரமணியை போலீஸ் நிலையத்துக்கு அழைத்துச் சென்று விசாரணை நடத்தி வருகின்றனர். இந்தச் சம்பவம் அப்பகுதியில் பெரும் பரபரப்பை ஏற்படுத்தியுள்ளது. 

Next Story

சிலியில் சக்திவாய்ந்த நிலநடுக்கம்!

Published on 19/07/2024 | Edited on 19/07/2024
Powerful earthquake in Chile

தென் அமெரிக்காவில் உள்ள சிலி நாட்டில் வியாழக்கிழமை சக்திவாய்ந்த நிலநடுக்கம் ஏற்பட்டது. சிலி நாட்டு நேரப்படி நேற்று இரவு (18.07.2024) 09.50 மணிக்கு இந்த நிலநடுக்கம் ஏற்பட்டுள்ளது. இது ரிக்டர் அளவுகோலில் 7.4 ரிக்டராகப் பதிவாகியுள்ளதாக தகவல் வெளியாகியுள்ளது.

இந்த நிலநடுக்கமானது சிலி நாட்டின் சான் பெட்ரோ டி அட்காமாவில் இருந்து 20 கி. மீ. தொலைவில் ஏற்பட்டதாகவும் கூறப்படுகிறது.  சக்தி வாய்ந்த நிலநடுக்கம் ஏற்பட்டதால், வீடுகள் குலுங்கியதால் அங்குள்ள மக்கள் அச்சமடைந்து தங்கள் வீடுகளை விட்டு வெளியேறி வீதிகளில் தஞ்சம் அடைந்தனர்.