Skip to main content

கடப்பா ஏரியில் மூழ்கி உயிரிழந்தவர்களின் விவரங்கள் வெளியீடு!

Published on 19/02/2018 | Edited on 19/02/2018

ஆந்திரா மாநிலம் கடப்பா அருகேயுள்ள ஒண்டிமிட்டா வனப்பகுதியில் உள்ள ஏரியில் 7 தமிழர்களின் உடல்கள் இன்று மதியம் வனத்துறையால் மீட்கப்பட்டன. 

 

அவர்கள் யார் ?, செம்மரம் வெட்ட வந்தவர்களா? கொலை செய்யப்பட்டார்களா? என ஆந்திரா போலீசார் விசாரணை நடத்தப்பட்டன. 

 

kadappa

 

இந்நிலையில், சேலம் மாவட்டம் கருமந்துறை அருகிலுள்ள கிளாக் காடு பகுதியை சேர்ந்த இராஜப்பன், அடியனூரைச் சேர்ந்த சின்னத்தம்பியின் மகன் முருகேசன், விழுப்புரம் மாவட்டம் பெரியகல்ராயன் மலையில் உள்ள அவரை கிராமத்தைச் சேர்ந்த கருப்பனன் என்ற மூவர் ஆந்திர மாநிலம் ஸ்ரீசைலம் அருகில் உள்ள வனப்பகுதியில் இருக்கும் குட்டையில் மூழ்கி உயிரிழந்திருப்பது காவல்துறையினரின் முதல்கட்ட விசாரணையில் தெரியவந்துள்ளது.

 

kadappa

 

இரண்டு தினங்களுக்கு முன்பு செம்மரம் வெட்டியதாக 12 தமிழர்களை கைது செய்தது ஆந்திரா போலிஸ். அப்போது 4 பேர் காட்டுக்குள் தப்பி ஓடிவிட்டனர். அவர்கள் தேடப்படுகிறார்கள் என அறிவித்தார்கள் என்பது குறிப்பிடதக்கது.

சார்ந்த செய்திகள்

Next Story

செம்மரக் கடத்தலைத் தடுத்த போலீஸ் கொலை; குற்றவாளி நீதிமன்றத்தில் சரண்!

Published on 14/02/2024 | Edited on 14/02/2024
Police prevent incident Surrender to the  court

ஆந்திரா மாநிலம் அண்ணமய மாவட்டம் கே.வி. பள்ளி மண்டலத்திற்கு உட்பட்ட குன்றோவாரி பள்ளி சந்திப்பு அருகே செம்மரக்கடத்தல் தடுப்பு அதிரடிப்படை காவலர்கள் வழக்கம் போல் கடந்த 5 ஆம் தேதி (05.02.2024) இரவு ரோந்து பணியில் ஈடுபட்டிருந்தனர். அப்போது 5 பேர் கொண்ட செம்மரக்கடத்தல் கும்பல் ஒன்று கர்நாடக மாநில பதிவெண் கொண்ட காரில் வேகமாக வந்துள்ளது. இந்த காரை ரோந்து பணியில் ஈடுபட்டிருந்த போலீசார் நிறுத்த முயன்றனர். ஆனால் காரில் வந்தவர்கள் காரை நிறுத்தாமல் செம்மரக்கடத்தல் தடுப்பு அதிரடிப்படை காவலர் பி. கணேஷ் (வயது 30) என்பவர் மீது மோதிவிட்டு வேகமாக தப்பிச் சென்றுவிட்டனர்.

இந்த சம்பவத்தில் காவலர் கணேஷ் (வயது 30) சம்பவ இடத்திலேயே உயிரிழந்தார். காரில் இருந்த கடத்தல்காரர் ஒருவர் தப்பி ஓடிய நிலையில் இருவரை பிடித்த போலீசார் அவர்களிடம் தீவிர விசாரணை மேற்கொண்டு வருகின்றனர். மேலும் காரில் இருந்த 7 செம்மரக்கட்டைகளையும் போலீசார் பறிமுதல் செய்துள்ளனர். தப்பிச் சென்ற  கடத்தல்காரரையும் பிடிக்க தனிப்படை அமைத்து போலீசார் வலைவீசி தேடி வந்தனர்.

செம்மரக்கடத்தலைத் தடுப்பதற்காக சென்ற போலீஸ் மீது கார் ஏற்றிய சம்பவத்தில் அவர் பலியான நிகழ்வு ஆந்திராவில் அதிர்ச்சியை ஏற்படுத்தி இருந்தது. இந்நிலையில், செம்மரக் கடத்தலைத் தடுத்த போலீசை கார் ஏற்றிக்கொண்ட வழக்கில் தேடப்பட்டு வந்த முக்கிய குற்றவாளி ராமன் விழுப்புரம் நீதிமன்றத்தில் சரண் அடைந்துள்ளார். 

Next Story

பேருந்து மீது லாரி மோதி விபத்து; 8 பேர் பலியான சோகம்!

Published on 10/02/2024 | Edited on 10/02/2024
Truck collides with bus incident Tragedy that 8 people involved

பேருந்து மீது லாரி மோதிய விபத்த்தில் சிக்கி 8 பேர் பலியான சம்பவம் மக்கள் மத்தியில் சோகத்தை ஏறபடுத்தியுள்ளது.

ஆந்திரா மாநிலம் நெல்லூர் அருகே கவாலி என்ற இடத்தில் நெடுஞ்சாலையில் இன்று அதிகாலையில் லாரி ஒன்று நிறுத்தப்பட்டிருந்தது. இந்த லாரி மீது மற்றொரு லாரி மோதி முதலில் விபத்து ஏற்பட்டுள்ளது. இந்த விபத்தில் இருந்து மீள்வதற்காக ஓட்டுநர் லாரியை வலது புறமாக திருப்ப முயற்சித்துள்ளார். அப்போது அந்த சாலையில் சென்னை வடபழனியில் இருந்து ஆந்திரா மாநிலம் ஹைதராபாத்திற்கு நேற்றிரவு புறப்பட்ட சுற்றுலா பேருந்து பேருந்து வந்து கொண்டிருந்துள்ளது.

இந்த பேருந்து மீது லாரி மோதி விபத்து நிகழ்ந்துள்ளது. இது குறித்து தகவல் அறிந்து சம்பவ இடத்திற்கு வந்த காவல்துறையினரும், மீட்பு படையினரும் மீட்பு பணியில் ஈடுபட்டனர். இந்த விபத்தில் சம்பவ இடத்திலேயே 8 பேர் உயிரிழந்தனர். விபத்தில் சிக்கிய படுகாயம் அடைந்த 15 பேரை மீட்டு மருத்துவமனையில் சிகிச்சைக்காக அனுமதித்துள்ளனர். மேலும் இதுகுறித்து காவல்துறையினர் விசாரணை மேற்கொண்டு வருகின்றனர்.