Skip to main content

இந்த பிரவுசரை அப்டேட் செய்யாமல் பயன்படுத்த வேண்டாம் - பயனர்களுக்கு மத்திய அரசு எச்சரிக்கை!

Published on 18/02/2022 | Edited on 18/02/2022

 

microsoft edge

 

மத்திய தகவல் தொழில்நுட்பத்துறை அமைச்சகத்தின் கீழ் இயங்கும் இந்திய கணினி அவசர நடவடிக்கைகள் குழு, மைக்ரோசாப்ட் எட்ஜ் பிரவுசரின் பழைய வெர்சன்களை பயன்படுத்துபவர்களுக்கு அதி தீவிர எச்சரிக்கை விடுத்துள்ளது. இந்த பிரவுசரின் பழைய வெர்ஷன்களில் இருக்கும் பல்வேறு குறைபாடுகள், சைபர் தாக்குதலை அனுமதிக்கும் என்பதால் இந்த எச்சரிக்கை விடுக்கப்பட்டுள்ளது.

 

சைபர் தாக்குதலில் இருந்து தப்பிக்க எட்ஜ் பிரவுசரை புதிய வெர்ஷனுக்கு அப்டேட் செய்யுமாறும் இந்திய கணினி அவசர நடவடிக்கைகள் குழு கேட்டுக்கொண்டுள்ளது. மைக்ரோசாப்ட் எட்ஜ்ஜின் புதிய வெர்ஷனான 98.0.1108.55 இந்த வாரம் வெளியானது குறிப்பிடத்தக்கது.

 

மைக்ரோசாப்ட் எட்ஜ்ஜின் புதிய வெர்ஷனான 98.0.1108.55-ல் புதிய பாதுகாப்பு அப்டேட்டுகளும், புதிய அம்சங்களும் இடம்பெற்றுள்ளது குறிப்பிடத்தக்கது.

 

 

சார்ந்த செய்திகள்

 

Next Story

மத்திய அரசின் அதிரடி உத்தரவு - இந்தியர்களுக்குக் கட்டணத்தைத் திரும்ப அளிக்கும் எலான் மஸ்க்கின் ஸ்டார்லிங்க்!

Published on 05/01/2022 | Edited on 05/01/2022

 

elon musk

 

உலகின் முன்னணி பணக்காரரான எலான் மஸ்க்கின் ஸ்டார்லிங்க் நிறுவனம், செயற்கைக்கோள் வழியாக இணைய இணைப்பை வழங்கும் முயற்சியில் ஈடுபட்டு வருகிறது. இந்த சூழலில், இந்த இணைய இணைப்பின் பீட்டா வெர்ஷன் சேவையைப் பெற முன்பதிவு செய்யலாம் என ஸ்பேஸ்-எக்ஸ் நிறுவனம் அறிவித்தது.

 

இதனையடுத்து இந்தியர்களும் ஸ்டார்லிங்க் இணைய இணைப்பிற்காக முன்பதிவு செய்தனர். இந்தநிலையில் மத்திய அரசு, இந்தியாவில் செயற்கைக்கோள் மூலமாக இணையச் சேவை வழங்குவதற்கு ஸ்டார்லிங் உரிமம் வாங்கவில்லை எனவும், எனவே இந்தியர்கள் ஸ்டார்லிங்க் இணைய இணைப்பிற்காக முன் பதிவு செய்யவேண்டாம் எனவும் அறிவுறுத்தியது.

 

மேலும் இணைய இணைப்பிற்காக முன்பதிவு செய்திருந்த இந்தியர்களுக்கு, அவர்கள் செலுத்திய கட்டணத்தை திருப்பி அளிக்கவும் மத்திய அரசு ஸ்டார்லிங்க்கிற்கு உத்தரவிட்டது. இதனைத்தொடர்ந்து தற்போது ஸ்டார்லிங்க் நிறுவனம், இணைய இணைப்பிற்காக செலுத்தப்பட்ட கட்டணத்தை திருப்பி அளிப்பது தொடர்பாக இந்தியர்களுக்கு இ-மெயில் அனுப்ப தொடங்கியுள்ளது.

 

மேலும் ஸ்டார்லிங்க் தனது இ-மெயிலில், இந்தியாவில் செயல்படுவதற்கான உரிமங்களைப் பெறுவதற்கான காலவரை தற்போதைக்கு தெரியவில்லை என்றும், ஸ்டார்லிங்கை இந்தியாவில் செயல்படுவதற்கான அனுமதியை பெற உரிமக் கட்டமைப்பிற்குள் பல சிக்கல்கள் தீர்க்கப்பட வேண்டும் என்றும் கூறியுள்ளது.

 

 

Next Story

பிரியங்கா காந்தியின் பரபரப்பு குற்றச்சாட்டு - தானாக முன்வந்து விசாரிக்கும் மத்திய அரசு!

Published on 22/12/2021 | Edited on 22/12/2021

 

priyanka gandhi

 

உத்தரப்பிரதேச மாநிலத்தில் அடுத்தாண்டு தொடக்கத்தில் சட்டமன்ற தேர்தல் நடைபெறவுள்ளதையடுத்து, அரசியல் கட்சிகள் தீவிர பிரச்சாரத்தில் ஈடுபட்டு வருகின்றன. இந்த நிலையில் சமீபத்தில் செய்தியாளர்களைச் சந்தித்து சமாஜ்வாடி கட்சித் தலைவர் அகிலேஷ் யாதவ், தனது தொலைபேசி  அழைப்புகளும், தனக்கு கட்சி தலைவர்களது தொலைபேசி அழைப்புகளும் உத்தரப்பிரதேச அரசால் ஒட்டுக்கேட்கப்படுகிறது எனப் பரபரப்பான குற்றச்சாட்டை எழுப்பினார்.

 

இந்தநிலையில் நேற்று இதுதொடர்பான கேள்விக்குப் பதிலளித்த பிரியங்கா காந்தி, "தொலைபேசி ஒட்டு கேட்கப்படுவதை விடுங்கள். அவர்கள் (உத்தரப்பிரதேச அரசு) எனது குழந்தைகளின் இன்ஸ்டாகிராம் கணக்கை ஹேக் செய்கிறார்கள். அரசுக்கு வேறு வேலை இல்லையா?" என்றார்.

 

பிரியங்கா காந்தியின் இந்த குற்றச்சாட்டுப் பரபரப்பை ஏற்படுத்திய நிலையில், மத்திய மின்னணு மற்றும் தகவல் தொழில்நுட்பத்துறை அமைச்சகம்,. பிரியங்கா காந்தியின் குற்றச்சாட்டுத் தொடர்பாக தானாக முன்வந்து விசாரிக்கவுள்ளதாக அந்த அமைச்சகத்தைச் சேர்ந்த அதிகாரி ஒருவர் தெரிவித்துள்ளார். மின்னணு மற்றும் தகவல் தொழில்நுட்பத்துறை அமைச்சகத்தின் இந்திய கணினி அவசரக்கால நடவடிக்கை குழு இந்த குற்றச்சாட்டை விசாரிக்க உள்ளதாகவும் அந்த அதிகாரி தெரிவித்துள்ளார்.