Skip to main content

வாடகைக்கு வீடு எடுத்து பாலியல் தொழில் செய்த 4 பேர் கைது; 4 பெண்கள் மீட்பு

Published on 20/02/2023 | Edited on 20/02/2023

 

4 women arrested puducherry

 

புதுச்சேரி அழகிய சுற்றுலா பிரதேசம் என்பதாலும், கேளிக்கை கொண்டாட்டங்களுக்கான வசதிகள் உள்ளதாலும் பல்வேறு மாநிலங்களை சேர்ந்த சுற்றுலாப் பயணிகள் வந்து, தங்கி, சுற்றுலா தளங்களை பார்வையிட்டு மகிழ்வதுடன், நண்பர்களுடன் உற்சாக கேளிக்கைகளிலும் ஈடுபடுகின்றனர். இதனால் பல்வேறு இடங்களில் சூதாட்ட விடுதிகள், நடன விடுதிகள் உள்ளதுடன், பாலியல் தொழில்  நடத்தும் இடங்களும், அதில் ஈடுபடும் நபர்களின் எண்ணிக்கையும் அதிகமாக உள்ளது.

 

குறிப்பாக நகரின் பல்வேறு பகுதிகளிலும், நகருக்கு ஒதுக்குப்புறமாக உள்ள சொகுசு தங்கும் விடுதிகளிலும் இதுபோன்ற உல்லாசங்கள் அனுபவிப்பவர்களின் எண்ணிக்கை அதிகரித்து வருகிறது. இதன்படி சமீப காலமாக வீடுகளிலும் பெண்களை வைத்து, பல்வேறு மாநிலங்களில் இருந்து பெண்களை கொண்டு வந்து பாலியல் தொழிலில் ஈடுபடுத்துவதும் நடைபெற்று அதிகரித்து வருகிறது.

 

அதையடுத்து புதுச்சேரியில் பாலியல் தொழிலை ஒழிக்க சீனியர் எஸ்.பி தீபிகா உத்தரவின் பேரில் போலீசார் தீவிர நடவடிக்கை எடுத்து வருகின்றனர். எஸ்.பி பக்தவச்சலம் மேற்பார்வையில் கடந்த ஒரு வார காலமாக தொடர்ந்து பல இடங்களில் பாலியல் தொழிலில் தடுப்பு நடவடிக்கைகள் மேற்கொள்ளப்பட்டு வழக்குகள் பதிவு செய்யப்பட்டு, பாலியல்  தொழிலில் பெண்களை ஈடுபடுத்தும் புரோக்கர்கள் கைது செய்யப்பட்டு, பாலியல் தொழிலில் ஈடுபடும் பெண்கள் மீட்கப்படுகின்றனர். 

 

அதன் தொடர்ச்சியாக நேற்று முன்தினம் ரெட்டியார்பாளையம் சப்இன்ஸ்பெக்டர் முருகன் தலைமையிலான போலீசார் மூலக்குளம், பாரிஸ் நகர் முதல் குறுக்கு தெருவில் உள்ள வாடகை வீட்டில் சந்தேகத்தின் பேரில் சோதனை நடத்தினர். அந்த வீட்டில் ரெட்டியார்பாளையம் போஸ்ட் ஆபீஸ் விதியை சேர்ந்த அந்தோணி (வயது 40), உழவர்கரை மடத்து வீதியைச் சேர்ந்த சங்கர் (எ) ஆரோக்கியநாதன் டில்ராக் (54) மற்றும் 3 பெண்கள் அங்கு இருந்தனர். விசாரணையில் வாடகைக்கு வீடு எடுத்து வெளியூர்களில் இருந்து பெண்களை வரவழைத்து பாலியல் தொழில் செய்து வந்தது தெரிய வந்தது.

 

இதனைத் தொடர்ந்து அந்தோணி, சங்கர் ஆகிய இருவரையும் கைது செய்த போலீசார் நீதிபதி முன்பு ஆஜர்படுத்தி சிறையில் அடைத்தனர். மீட்கப்பட்ட 3 பெண்களும் காப்பகத்தில் ஒப்படைக்கப்பட்டனர். இதேபோல் உருளையன்பேட்டை அண்ணாநகரில் வாடகை வீடு எடுத்து பாலியல் தொழில் நடப்பதாக போலீசாருக்கு தகவல் கிடைத்தது. அதையடுத்து இன்ஸ்பெக்டர் கண்ணன் தலைமையிலான போலீசார் அண்ணா நகரில் உள்ள வீட்டில் சோதனை நடத்தினர். அப்போது கோவிந்தசாலை சேர்ந்த லதா(35), தவளைக்குப்பம் சரஸ்வதி (38), புதுச்சேரியை சேர்ந்த செந்தில்(35) ஆகியோர் வெளியூர் பெண்களை வரவழைத்து பாலியல் தொழில் செய்து வந்தது தெரிய வந்தது. போலீசார் வருவதை அறிந்து செந்தில் தப்பி சென்றார். லதா மற்றும் சரஸ்வதியை போலீசார் கைது செய்து சிறையில் அடைத்தனர். வீட்டில் இருந்த ஒரு பெண்ணை மீட்டு காப்பகத்தில் ஒப்படைத்தனர். கைதான லதா, சரஸ்வதி மீது ஏற்கனவே இதுபோன்று வழக்கு நிலுவையில் உள்ளது குறிப்பிடத்தக்கது.

 

கடந்த ஒரு வாரத்தில் மட்டும் ரெட்டியார் பாளையம், பெரியகடை, கோரிமேடு, ஒதி, உருளையன்பேட்டை காவல் நிலையத்திற்கு உட்பட்ட பகுதிகளில் போலீசார் நடத்திய அதிரடி ரெய்டில் ஆறு விபச்சார வழக்குகள் பதிவாகியுள்ளன. இவ்வழக்குகளில் பெண்களை வைத்து பாலியல் தொழில் செய்த புரோக்கர்கள் 10 பேர் கைது செய்யப்பட்டுள்ளனர்.  மேலும் புரோக்களிடம் இருந்து 14 பெண்கள் மீட்கப்பட்டு காப்பகங்களில் ஒப்படைக்கப்பட்டுள்ளனர். ஹோட்டல்களில் அறை எடுத்து பாலியல் தொழில் செய்தால் போலீசார் எளிதில் கண்டுபிடித்து விடுகின்றனர். அதனால் வீடுகளை வாடகைக்கு எடுத்து பாலியல் தொழில் செய்து வருவது புதுச்சேரியில் அதிகரித்து வருகிறது. குறிப்பாக வெளிநாடு, வெளிமாநிலங்களில் வசிக்கும் நபர்களின் வீட்டை தேடி வாடகைக்கு எடுத்து பாலியல் தொழிலை அமோகமாக நடத்தி வருகின்றனர்.

 

 

சார்ந்த செய்திகள்

 

Next Story

கணவனின் திருமணத்தை மீறிய உறவைக் கண்டித்த மனைவி; அடுத்து நடந்த சோகம்!

Published on 20/07/2024 | Edited on 20/07/2024
A wife who condemned her husband's adulterous relationship

நீலகிரி மாவட்டம் குன்னூர் பகுதியைச் சேர்ந்தவர் மணிகண்டன் (32). இவர் எலெஜ்ட்ரீசியனாக வேலை பார்த்து வந்தார். இவருக்கு திருமணமாகி பெண் குழந்தைகள் உள்ளனர். இந்த நிலையில், மணிகண்டனுக்கும், அதே பகுதியைச் சேர்ந்த ஒரு பெண்ணுக்கும் பழக்கம் ஏற்பட்டுள்ளது. 

அவர்களுக்குள் ஏற்பட்ட பழக்கம் நாளடைவில், திருமணத்தை மீறிய உறவாக மாறியது. இந்த விவகாரம், மணிகண்டனின் குடும்பத்துக்கு தெரியவர, தனது பெண் தோழியோடு எடப்பாடி அருகே வளையசெட்டியூர் பகுதியில் வசித்து வந்துள்ளார். இதனிடையே, தனது கணவர் காணாததைக் கண்டு அதிர்ச்சியடைந்த மணிகண்டனின் மனைவி மற்றும் உறவினர்கள் பல்வேறு இடங்களில் தேடி வந்தனர். 

பின்னர், மணிகண்டன் வளையசெட்டியூர் பகுதியில் இருப்பதை அறிந்த அவரது மனைவி அந்த இடத்துக்கு சென்று மணிகண்டனின் தகாத உறவைக் கண்டித்ததோடு மட்டுமல்லாமல் தன்னோடு வரும்படி அழைத்துள்ளார். இதில் கோபமடைந்த மணிகண்டன் வீட்டை விட்டு வெளியேறி அருகே உள்ள மதுபானக் கடை அருகில் விஷம் குடித்துள்ளார். இதுகுறித்து தகவல் அறிந்த உறவினர்கள், மணிகண்டனை மீட்டு மருத்துவமனையில் அனுமதித்தனர். ஆனால், அங்கு அவர் சிகிச்சை பலனின்றி பரிதாபமாக உயிரிழந்தார். இந்தச் சம்பவம் தொடர்பாக, போலீசார் வழக்குப்பதிவு செய்து விசாரணை நடத்தி வருகின்றனர். கணவன் வைத்திருந்த தகாத உறவை மனைவி கண்டித்ததால், எலெக்ட்ரீசியன் தற்கொலை செய்துகொண்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது. 

Next Story

கொடூரக் கொலை; விரலை வைத்து குற்றவாளியைத் தூக்கிய போலீஸ் - அதிரவைக்கும் வாக்குமூலம்

Published on 20/07/2024 | Edited on 20/07/2024
Accused in Cuddalore family case arrested in Chennai
சங்கர் ஆனந்த் -  சாகுல் அமீது

கடலூர் மாவட்டம் காராமணிக்குப்பம் பகுதியைச் சேர்ந்தவர் சுகந்தகுமார்(43) இவர் தனது தாய் கமலேஸ்வரி(60) மற்றும் 10 வயது மகனுடன் காராமணிக்குப்பம் பகுதியில் வசித்து வருகிறார். சுகந்தகுமாருக்கு இரு திருமணமாகி இரண்டு மனைவிகளையும் பிரிந்து தாய் மற்றும் 2வது மனைவிக்குப் பிறந்த 10 வயது மகனுடன் வாழ்ந்து வருகிறார். இந்த நிலையில் கடந்த 15 ஆம் தேதி சுகந்தகுமார், கமலேஸ்வரி, 10 வயது மகன் மூவரும் வெட்டிக்கொன்று எரிக்கப்பட்டு சடலமாகக் கிடந்துள்ளனர். பின்பு வீட்டில் இருந்து துர்நாற்றமும், புகையும் வெளி வந்ததால் அருகே இருந்தவர்கள் போலிசாருக்கு தகவல் கொடுத்துள்ளனர். 

தகவலின் பேரில் சம்பவ இடத்திற்கு வந்த போலீசார் வீட்டிற்குள் சென்று மூவர் உடலையும் கைப்பற்றி பிரேதப்பரிசோதனை செய்ய மருத்துவமனைக்கு அனுப்பி வைத்தனர். மேலும் சுற்றியிருந்தவர்களிடம் போலீசார் விசாரணை நடத்தியதில், சுகந்தகுமாரின் எதிர்வீட்டில் வசிக்கும் சங்கர் ஆனந்த் மீது போலீசாருக்கு சந்தேகம் ஏற்பட்டுள்ளது. அவரை போலீசார் நோட்டமிட்டதில் சங்கர் ஆனந்த் திடீரென தலைமறைவாகியுள்ளார். மேலும் சங்கர் ஆனந்தின் கையில் ஒரு விரலில் வெட்டுப்பட்டுக் கட்டுப்போட்டிருந்ததும் போலீசாருக்கு கூடுதல் சந்தேகத்தையும் கொடுக்க, தலைமறைவாக இருந்த ஆனந்தை செல்போன் சிக்னல் மூலம் தேடினர். அதில் சென்னை மறைமலைநகர் பகுதியில் பதுங்கி இருந்த சங்கர் ஆனந்த் மற்றும் அவரது நண்பர் சாகுல் அமீது இருவரையும் போலீசார் கைது செய்தனர். 

போலீசார் நடத்திய விசாரணையில் சங்கர் ஆனந்த், எனது அம்மாவிற்கும் சுகந்தகுமாருக்கும் திருமணத்தை மீறிய உறவு இருந்ததாக ஊரில் பலரும் பேசினர். அதனால் மனமுடைந்த எனது தாய் ரயில் முன் பாய்ந்து தற்கொலை செய்துகொண்டார். இதற்காக சுகந்தகுமாரை பழிவாங்க வேண்டும் என்று நினைத்தேன். ஆனால் அவர் பெங்களூரில் பாதி நாளும் வீட்டில் பாதி நாளும் வேலை பார்த்து வந்தார்.

இந்த நிலையில் அவரது மகனை அழைத்துக் கேட்டபோது அவன் என்னை மரியாதை இல்லாமல் திட்டினான். அதனால் அவனை நான் அடித்ததை அவனது பாட்டி கமலேஸ்வரியிடம் கூறி அவர், என்னைக் கடுமையாகத் திட்டினார். காரி துப்பி அசிங்கப்படுத்தினார். இதனைத் தொடர்ந்து சுகந்த குமாரைத் தீர்த்துக்கட்ட முடிவு செய்ய  நானும் எனது கூட்டாளிகளும் சேர்ந்து 13 ஆம் தேதி இரவு சுகந்தகுமார் வீட்டின் கதவைத் தட்டினோம். அப்போது கதவைத் திறந்த சுகந்தகுமாரை வெட்டி கொலை செய்தேன் பதிலுக்கு அவர் என் கை விரலை  வெட்டிவிட்டார். பின்பு எங்களைத் தாக்க வந்த கமலேஸ்வரியையும் கொலைசெய்தேன். 10 வயது சிறுவனை வெளியேவிட்டால் மாட்டிக்கொள்வோம் என்று கூறி அவனையும் கழுத்தை அறுத்து கொலை செய்தேன்.

பின்பு மறுநாள் பக்கத்து வீட்டு வழியாகத் தப்பித்துச் சென்றோம். ஆனால் துர்நாற்றம் வந்தால் மாட்டிக்கொள்வோம் என்று 14 ஆம் தேதி   நண்பர் சாகுல் அமீதிடம் பெட்ரோல் வாங்கி வரச்சொல்லி மீண்டும் வந்து மூன்று பேரின் உடலிலும் ஊற்றி எரித்துவிட்டேன். பின்னர் வீட்டிலிருந்த நகை, பணம் ஆகியவற்றை கொள்ளையடித்துச் சென்றுவிட்டோம். இதனிடையே சுகந்தகுமார் வெட்டியதில் எனது கட்டை விரல் பாதி துண்டாகித் தொங்கிக்கொண்டிருந்தது. அதனை வெட்டி புதரில் வீசிவிட்டு சென்னைக்கு வந்து தலைமறைவாகிவிட்டேன்” என்று வாக்குமூலம் அளித்துள்ளார் இதனைத் தொடர்ந்து கொலைவழக்குப் பதிவு செய்த போலீசார் இருவரிடமும் விசாரணை நடத்தி வருகின்றனர்.