Skip to main content

காதல் திருமணம் செய்த இளைஞர் ஆணவக்கொலை? - கேரளாவில் பயங்கரம்!

Published on 29/05/2018 | Edited on 29/05/2018

காதல் திருமணம் செய்துகொண்ட இளைஞர், பெண் வீட்டாரால் படுகொலை செய்யப்பட்டுள்ள சம்பவம் அதிர்ச்சியை ஏற்படுத்தியுள்ளது. இதனை ஆணவப் படுகொலை எனவும் இளைஞரின் குடும்பத்தினர் குற்றம்சாட்டி வருகின்றனர். 


kerala

 

 

 

கோட்டயம் அருகே நாட்டாசேரி நீலமங்கலம் பகுதியைச் சோ்ந்த தலித் கிறித்தவ சமூக இளைஞரான கெவின் ஜோசப், கொல்லம் அருகே தென்மலை பகுதியைச் சோ்ந்த நீனுவும் கடந்த மூன்று ஆண்டுகளுக்கும் மேலாக காதலித்து வந்துள்ளனர். நீனு வசதிபடைத்த குடும்பத்தைச் சேர்ந்தவர். அவரது தந்தை கத்தோலிக்க கிறித்தவ பிரிவு மற்றும் தாயார் இஸ்லாமிய மதத்தைச் சேர்ந்தவர் என்பது குறிப்பிடத்தக்கது.
 

இவர்களது காதலை அறிந்த நீனுவின் குடும்பத்தினர், இருவரையும் பிரிப்பதற்காக ஜோசப் குடும்பத்தினரிடம் பேச்சுவார்த்தை நடத்தியுள்ளனர். பேச்சுவார்த்தையில் பணபேரம் பேசப்பட்டு, பின்னர் மிரட்டலில் முடிந்து பயனற்று போனது. இருப்பினும், காதலர்கள் இருவரும் விடாப்படியாக இருந்ததால், கடந்த மே 24ஆம் தேதி நீனு மற்றும் ஜோசப் ஆகியோர் ஏட்டுமானூர் பகுதியில் உள்ள பதிவாளர் அலுவலகத்தில் பதிவுத்திருமணம் செய்துகொண்டனர்.

 

இதையடுத்து, நீனுவின் பெற்றோர் காந்திநகர் காவல்நிலையத்தில் புகாரளித்த நிலையில், காவல்துறை நீனுவை பெற்றோருடன் செல்ல வற்புறுத்தியுள்ளது. ஆனால், தனது கணவர் ஜோசப் உடன் செல்லவே விருப்பம் இருப்பதாக நீனு கூறியதையடுத்து, கெவின் நீனுவை பெண்கள் விடுதியில் தங்கவைத்துள்ளார். அதைத் தொடர்ந்து கெவினும் விடுதிக்கு அருகாமையில் உள்ள தனது உறவினரான அனீஷ் என்பவரின் வீட்டில் தங்கியுள்ளார்.

 

இந்நிலையில், கடந்த ஞாயிற்றுக்கிழமை அனீஷ் வீட்டிற்கு வந்த நீனுவின் அண்ணன் மற்றும் அவரது நண்பர்கள் 10 பேர், அனீஷ் மற்றும் கெவினை அடித்து காரில் தூக்கிச்சென்றனர். அனீஷ் பாதி வழியில் இறக்கிவிடப்பட்ட நிலையில், கெவின் நிலை தெரியாமல் போனது. காவல்துறையினரும் இதுகுறித்து நடவடிக்கை எடுக்காமல் அலட்சியம் காட்டிய நிலையில், நேற்று காலை கெவின் இரு கண்களும் நோண்டப்பட்ட நிலையில், புனலூா் அருகே சாலியோகரை கால்வாயில் பிணமாக மீட்கப்பட்டார்.
 

kerala

 

 

இந்த சம்பவம் கோட்டயம் மற்றும் கொல்லம் மட்டுமில்லாமல் கேரளா முமுவதும் பரபரப்பை ஏற்படுத்தியது. இந்த சம்பவத்தில் இந்திய ஜனநாயக வாலிபர் சங்கத்தைச் சேர்ந்த பிரமுகருக்கும் தொடா்பு இருப்பது தெரியவந்துள்ளது.

             
இந்தநிலையில் நீனுவின் உறவினா்கள் கெவினை மிரட்டியது சம்மந்தமாக புகார் கொடுத்தும் நடவடிக்கை எடுக்காமல், நீனுவின் உறவினா்களுக்கு உடந்தையாக இருந்த எஸ்.ஐ.ஷிபு சஸ்பென்ட் செய்யபட்டார். இதேபோல் கோட்டயம் எஸ்.பி.ரபீக் இடமாற்றம் செய்யப்பட்டார்.
 

இந்த ஆணவப் படுகொலை சம்பந்தமாக எதிர்க்கட்சிகள் கேரள அரசுக்கு கடும் நெருக்கடியைக் கொடுக்கத் தொடங்கியுள்ளன. பல்வேறு அமைப்புகள் இதனைக் கண்டித்து போராட்டங்களில் ஈடுபட்டு வருகின்றன. அதேபோல், உரிய நேரத்தில் நடவடிக்கை எடுக்கத் தவறிய காவல்துறை மூன்று வாரங்களில் பதிலளிக்க மனித உரிமைகள் ஆணையம் உத்தரவிட்டுள்ளது.

 

 
                                    

சார்ந்த செய்திகள்

 

Next Story

“உடல்நிலை எவ்வளவு மோசமாக இருந்தாலும் பரவாயில்லை...” - டெல்லி அமைச்சர் உறுதி

Published on 24/06/2024 | Edited on 24/06/2024
Delhi Minister on hunger strike demanding supply of water

தலைநகர் டெல்லியில் கடுமையான வெப்ப அலை வீசி வருவதால் அங்கு தண்ணீர் பற்றாக்குறை ஏற்பட்டு வருகிறது. மேலும், ஹரியானா அரசு டெல்லிக்கு தர வேண்டிய தண்ணீரில் பற்றாக்குறை ஏற்பட்டதால், டெல்லியில் தண்ணீர் தட்டுப்பாடு நிலவி வருவதாக டெல்லி அரசு குற்றம் சாட்டி வருகிறது. தண்ணீர் பற்றாக்குறையால் பொதுமக்கள் பாதிப்படைந்து வருகின்றனர். இன்னும், சில பகுதிகளில் வாழும் மக்கள் டேங்கர் லாரியை நோக்கி முண்டியடித்துக் கொண்டு தண்ணீரைப் பிடிப்பதற்காக காலி குடங்களுடன் செல்லும் காட்சிகள் சில தினங்களுக்கு முன்பு சமூக வலைத்தளங்களில் வெளியானது. இதனிடையே தண்ணீர் பற்றாக்குறையைச் சமாளிக்கவும், தண்ணீர் வீணாவதைத் தடுக்கவும் டெல்லி நீர்வளத்துறை சார்பில் பல்வேறு நடவடிக்கைகள் எடுத்து வருகின்றன. 

சில தினங்களுக்கு டெல்லியில் ஏற்பட்டிருக்கும் தண்ணீர் பற்றாக்குறையைச் சமாளிக்க உதவ வேண்டும் என உத்தரப் பிரதேசம் மற்றும் ஹரியானா மாநில அரசு முதல்வர்களுக்கு டெல்லி ஆம் ஆத்மி கட்சியைச் சேர்ந்த நீர்வளத்துறை அமைச்சர் அதிஷி கடிதம் எழுதியிருந்தார். ஆனால், ஹரியானா அரசு உரிய தண்ணீரை வழங்கவில்லை என்று கூறப்படுகிறது. இதனிடையே, டெல்லியில் ஏற்பட்டிருக்கும் தண்ணீர் பற்றாக்குறையைக் கண்டித்து அம்மாநிலம் முழுவதும் ஆங்காங்கே போராட்டம் நடைபெற்று வருகிறது.

இந்த நிலையில், டெல்லி மக்களுக்கு வழங்க வேண்டிய தண்ணீரை ஹரியானா அரசு வழங்கக் கோரி டெல்லி நீர்வளத்துறை அமைச்சர் அதிஷி கடந்த 21ஆம் தேதி காலவரையற்ற உண்ணாவிரதப் போராட்டத்தை தொடங்கினார். அவரது உண்ணாவிரதம் இன்று (24-06-24) நான்காவது நாளாக தொடர்கிறது. இதனால், அவரது உடல்நலம் பாதிக்கப்பட்டுள்ளதாகக் கூறப்படுகிறது. அவரது உடல்நிலையை மருத்துவர்கள் கண்காணித்து வருகின்றனர். 

இதனிடையே டெல்லி அமைச்சர் அதிஷி வீடியோ ஒன்றை வெளியிட்டுள்ளார். அந்த வீடியோவில் அவர் பேசியதாவது, “இன்று எனது காலவரையற்ற உண்ணாவிரதத்தின் நான்காவது நாள். டெல்லியில் தண்ணீர் தட்டுப்பாடு நிலவி வருவதால் உண்ணாவிரதத்தில் ஈடுபட்டுள்ளேன். டெல்லிக்கு சொந்தமாக தண்ணீர் இல்லை. தண்ணீர் அனைத்தும் அண்டை மாநிலங்களில் இருந்து வருகிறது. கடந்த 3 வாரங்களாக ஹரியானா மாநிலம், டெல்லி மக்களுக்கு தண்ணீர் விநியோகத்தை குறைத்துள்ளது.

நேற்று மருத்துவர் வந்து என்னை பரிசோதித்தார். என் பிபி குறைகிறது, சுகர் குறைகிறது, உடல் எடை குறைகிறது என்றார். கீட்டோன் அளவு மிகவும் அதிகரித்துள்ளது என்றும் அவர் கூறினார். கீட்டோன் அளவு இவ்வளவு அதிகரிப்பது நல்லதல்ல என்று மருத்துவர் அறிவுறுத்தினார். இது உடலுக்கு தீங்கு விளைவிக்கும், ஆரோக்கியத்திற்கு தீங்கு விளைவிக்கும். ஆனால் எனது உடல்நிலை எவ்வளவு மோசமாக இருந்தாலும், என் உடல் எவ்வளவு வலியில் இருந்தாலும், இந்த உண்ணாவிரத போராட்டத்தை மேற்கொள்ள வேண்டும் என்ற எனது தீர்மானம் வலிமையானது. 28 லட்சம் டெல்லி மக்களுக்கு ஹரியானா அரசு தண்ணீர் வழங்கும் வரை எனது உடல்நிலை எவ்வளவு மோசமாக இருந்தாலும் உண்ணாவிரதத்தைத் தொடருவேன். 

Next Story

கேரளாவிற்குச் சுற்றுலா சென்ற மாணவர் உயிரிழப்பு; துரை வைகோ எம்பி-யின் துரித நடவடிக்கை!

Published on 22/06/2024 | Edited on 22/06/2024
tn student who passed away Kerala sent his hometown by action Durai Vaiko

பட்டயக் கணக்காளருக்கு படித்து வரும் மதுரையைச் சேர்ந்த 12 மாணவர்கள் நேற்று(20.6.2024) இரவு கேரளா மாநிலம் வர்காலாவுக்கு சுற்றுலாவாகச் சென்றுள்ளார்கள். 12 பேரில் 7 பேர் மாணவர்கள், 5 பேர் மாணவிகள். பட்டயக் கணக்காளர் படிப்புக்கான இடைநிலை தேர்வை முடித்துள்ளார்கள். அவர்கள் அனைவரும் இன்று(21.6.2024) காலை வர்காலாவில் உள்ள கடலுக்குச் சென்றுள்ளார்கள். கடலில் மாணவர்கள் விளையாடிக் கொண்டு இருந்தபோது ரகு என்ற மாணவனை கடல் அலை உள்ளே இழுத்துச் சென்று விட்டது. பிறகு, உயிருக்கு ஆபத்தான நிலையில் ரகுவின் உடல் கரை ஒதுங்கியிருக்கிறது.

ரகுவின் உடலைப் பார்த்த மாணவர்கள் உடனடியாக அங்கிருக்கும் அரசு மருத்துவக் கல்லூரி மருத்துவமனையில் சேர்த்திருக்கிறார்கள். ஆனால், சிகிச்சை பலனின்றி ரகு உயிரிழந்தார். இத்தகவல் அறிந்த  ம.தி.மு.க முதன்மைச் செயலாளரும் திருச்சி நாடாளுமன்ற உறுப்பினருமான துரை வைகோ, உடனடியாக திருவனந்தபுரம் ஆட்சித் தலைவரை தொடர்பு கொண்டு பேசினார். ரகுவின் நிலைமையை எடுத்துச் சொல்லி மற்ற மாணவர்களையும் பாதுகாப்பாக தமிழகம் அனுப்பி வைக்குமாறு கேட்டுக் கொண்டார். 

அதைத் தொடர்ந்து காங்கிரஸ் மூத்த தலைவர் சசி தரூரின் உதவியாளரையும் தொடர்பு கொண்டு மருத்துவமனைக்கு நேரடியாகச் சென்று உதவிடுமாறு தெரிவித்து உள்ளார். அவரும் மாணவர்களை பத்திரமாக தமிழகம் அனுப்பும் பணியை ஒருங்கிணைத்து வருகின்றார். துரை வைகோவின் கோரிக்கையை ஏற்று திருவனந்தபுரம் மாவட்ட ஆட்சித்தலைவர் உடனடியாக அப்பகுதி வட்டாட்சியரை நேரில் அனுப்பி உள்ளார்.

எதிர்பாராத விதமாக இறந்த ரகுவிற்கு பிரதப் பரிசோதனை உள்ளிட்ட நடைமுறைகளை விரைந்து முடிக்கவும், மற்ற மாணவர்களைப் பாதுகாப்பாக தமிழகம் அனுப்பி வைக்கவும் திருவனந்தபுரம் மாவட்ட ஆட்சியரிடம் துரை வைகோ கேட்டுக் கொண்டுள்ளார். மேலும், தமிழக மாணவர்களைப் பத்திரமாக அனுப்பும் பணியில் துரிதமாக செயல்பட்ட திருவனந்தபுரம் மாவட்ட ஆட்சித் தலைவருக்கும், காங்கிரஸ் மூத்த தலைவர் சசி தரூரின் உதவியாளருக்கும் துரை வைகோ நன்றி தெரிவித்துக் கொண்டார். நாடாளுமன்றத் தேர்தலில் மீண்டும் வெற்றிபெற்றுள்ள சசி தரூருக்கு துரை வைகோ தனது வாழ்த்துகளையும் தெரிவித்துக் கொண்டார்.