Skip to main content

தீர்ப்புகள் 24 மணிநேரத்தில் மாற்றப்படுகின்றன! - நீதிபதி செலமேஸ்வர் குற்றச்சாட்டு

Published on 12/04/2018 | Edited on 12/04/2018

நான் வழங்கும் தீர்ப்புகள் 24 மணிநேரத்தில் மாற்றப்படுவதை விரும்பவில்லை என உச்சநீதிமன்ற நீதிபதி செலமேஸ்வர் தெரிவித்துள்ளார்.

 

Chelameswar

 

இந்திய வரலாற்றிலேயே முதன்முறையாக உச்சநீதிமன்ற நீதிபதிகள் செய்தியாளர்களைச் சந்தித்து, நீதிபதிகளுக்கு ஒதுக்கப்படும் வழக்குகளில் வெளிப்படைத்தன்மை இல்லை என குற்றம்சாட்டினர். அவர்களில் ஒருவரான நீதிபதி செலமேஸ்வர், சில தினங்களுக்கு முன்னர் உச்சநீதிமன்ற நீதிபதிகள் நியமனத்தில் இருக்கும் குளறுபடிகள் குறித்து பேசியிருந்தார்.

 

உச்சநீதிமன்றத்தில் நீதிபதிகளுக்கு ஒதுக்கப்படும் வழக்குகள் குறித்த விதிமுறைகள் விதிக்கப்பட வேண்டும் என சாந்தி பூஷன் என்பவர் தொடர்ந்த பொதுநல வழக்கு இன்று நீதிபதி செலமேஸ்வர் அமர்வுக்கு வந்தது. ஆனால், நீதிபதி செலமேஸ்வர் இந்த வழக்கை விசாரிக்க முன்வரவில்லை. பின்னர் மேல்முறையீடு செய்யப்பட்ட நிலையில், தலைமை நீதிபதி தீபக் மிஷ்ரா அமர்வுக்கு வழக்கு மாற்றப்பட்டது. வழக்கை விசாரித்த நீதிபதி தீபக் மிஷ்ரா, சம அந்தஸ்து உள்ள நீதிபதிகளில் தலைமை நீதிபதியே முதன்மையானவர். வழக்குகளை விசாரணைக்காக ஒதுக்கும் உரிமையை அரசியலமைப்புச் சட்டம் அவருக்கு வழங்கியது என்ற உத்தரவைப் பிறப்பித்தார்.

 

இந்நிலையில், அந்த வழக்கை தான் எதற்காக விசாரிக்கவில்லை என்பதற்கான காரணத்தை நீதிபதி செலமேஸ்வர் விளக்கியுள்ளார். அதில், ‘நான் இன்னும் சில நாட்களில் ஓய்வுபெறப் போகிறேன். அதனால், இந்த வழக்கை என்னால் விசாரிக்க முடியாது. வழக்குகள் மீதான எனது தீர்ப்புகள் 24 மணிநேரத்தில் மாற்றப்படுவதை நான் விரும்பவில்லை’ என தெரிவித்துள்ளார்.

சார்ந்த செய்திகள்

 

Next Story

கைது நடவடிக்கைக்கு எதிராக அரவிந்த் கெஜ்ரிவால் மனு; உச்சநீதிமன்றம் அதிரடி உத்தரவு

Published on 12/07/2024 | Edited on 12/07/2024
Supreme Court ordered bail to Arvind Kejriwal Petition Against Arrest

டெல்லி மதுபானக் கொள்கை தொடர்பான பணமோசடி வழக்கில் டெல்லி முதல்வர் அரவிந்த் கெஜ்ரிவால் அமலாக்கத்துறையால் கடந்த மார்ச் மாதம் 21ஆம் தேதி கைது செய்யப்பட்டார். சுமார் 50 நாட்கள் திகார் சிறையில் அடைக்கப்பட்ட அரவிந்த் கெஜ்ரிவால், தன் மீதான கைது நடவடிக்கையை எதிர்த்து உச்சநீதிமன்றத்தில் வழக்கு தொடர்ந்தார். அந்த வழக்கை விசாரித்து வந்த உச்சநீதிமன்றம் கடந்த 10ஆம் தேதி அவருக்கு இடைக்கால ஜாமீன் வழங்கியது.

அரவிந்த் கெஜ்ரிவாலுக்கு ஜூன் 1 வரை மட்டுமே இடைக்கால ஜாமீன் வழங்குவதற்கான உத்தரவைப் பிறப்பிப்பதாக அறிவித்த உச்சநீதிமன்றம், ஜூன் 2 ஆம் தேதி அரவிந்த் கெஜ்ரிவால் சரணடைய நீதிமன்றம் உத்தரவிட்டிருந்தது. அதன் பிறகு, அரவிந்த் கெஜ்ரிவால் தேர்தல் பிரச்சாரத்தில் ஈடுபட்டு வந்தார். இதனிடையே, தனக்கு வழங்கப்பட்ட இடைக்கால ஜாமீனை நீட்டிக்கக் கோரி அரவிந்த் கெஜ்ரிவால் மனுத்தாக்கல் செய்திருந்தார். ஆனால், அந்த மனு நிராகரிக்கப்பட்டதால், ஜூன் 2ஆம் தேதி, அரவிந்த் கெஜ்ரிவால் திகார் சிறையில் சரணடைந்தார். 

இதனிடையே, டெல்லி முதல்வர் அரவிந்த் கெஜ்ரிவால், அமலாக்கத்துறை தன்னை கைது செய்தது தவறு எனக் குறிப்பிட்டு டெல்லி உச்சநீதிமன்றத்தில் மேல்முறையீடு செய்திருந்தார். இது தொடர்பான விசாரணை இன்று உச்சநீதிமன்றத்திற்கு வந்தது. அப்போது உச்சநீதிமன்ற நீதிபதிகள், ‘90 நாட்களுக்கு மேலாக டெல்லி முதல்வர் அரவிந்த் கெஜ்ரிவால் சிறையில் துயரப்பட்டிருக்கிறார். பிணையில் இருந்து ஒருவர் வெளியே வருவதற்கும், அவரிடம் விசாரணையை நடத்துவதற்கும் எந்தவிதமான சம்பந்தமும் இல்லை. தேவைப்படும் போது விசாரணையை நடத்தலாம். பிணையில் இருந்து அவர் வெளியே வந்தால் அவரிடம் விசாரணையை நடத்த முடியாது என்பதெல்லாம் ஏற்றுக்கொள்ள முடியாது. 

மக்களால் தேர்ந்தெடுக்கப்பட்டு ஒரு மாநிலத்தில் முதல்வராக இருக்கிறார். அவருக்கென்று சில உரிமைகள் இருக்கிறது. 90 நாட்களுக்கு மேலாக அவர் சிறையில் இருக்கிறார். ஒருவர் குற்றம் சாட்டப்பட்டவராக இருக்கிறார். அவரை கைது செய்துதான் விசாரணை நடத்துவது என்பதை நாங்கள் அனுமதிக்க முடியாது” என்று கூறி அரவிந்த் கெஜ்ரிவாலுக்கு இடைக்கால ஜாமீன் வழங்கி உத்தரவிட்டுள்ளது. 

Next Story

நீதிபதி மகாதேவனுக்கு அன்புமணி ராமதாஸ் வாழ்த்து!

Published on 11/07/2024 | Edited on 11/07/2024
Anbumani Ramadoss wishes to Justice Mahadevan!

உச்ச நீதிமன்றத்தில் நீதிபதி பணியிடங்களில் காலியாக உள்ள 2 இடங்களுக்கு நீதிபதிகளை நியமிக்க கொலீஜியம் அமைப்பு பரிந்துரை செய்துள்ளது. அதன்படி சென்னை உயர் நீதிமன்ற பொறுப்பு தலைமை நீதிபதியாக பதவி வகித்து வரும் மகாதேவனை உச்ச நீதிமன்ற நீதிபதியாக நியமிக்க கொலீஜியம் பரிந்துரை செய்துள்ளது. அதே போன்று ஜம்மு - காஷ்மீர் நீதிமன்றத்தின் தலைமை நீதிபதியாக பணியாற்றி வரும் கோட்டீஸ்வர் சிங்கை உச்சநீதிமன்ற நீதிபதியாக நியமிக்கவும் கொலிஜியம் பரிந்துரை செய்துள்ளது. இந்த நியமனத்தின் மூலம் நீதிபதி கோட்டீஸ்வர் சிங் மணிப்பூர் மாநிலத்தில் இருந்து உச்ச நீதிமன்ற நீதிபதியாக நியமிக்கப்படும் முதல் நீதிபதி ஆவார் என்பதும் குறிப்பிடத்தக்கது.

இந்நிலையில் உச்சநீதிமன்ற நீதிபதியாக பரிந்துரைக்கப்பட்டுள்ள நீதிபதி மகாதேவனுக்கு பாமக தலைவர் அன்புமணி ராமதாஸ் தனது வாழ்த்துகளை தெரிவித்துள்ளார். இது தொடர்பாக அவர் தனது எக்ஸ் தளத்தில் வெளியிட்டுள்ள பதிவில், “சென்னை உயர்நீதிமன்றத்தின் பொறுப்பு தலைமை நீதிபதியாக பதவி வகித்து வரும் அரங்க. மகாதேவன் உச்சநீதிமன்றத்தின் நீதிபதியாக நியமிக்க உச்சநீதிமன்ற கொலீஜியம் பரிந்துரைத்திருப்பது மகிழ்ச்சியளிக்கிறது. அவருக்கு எனது வாழ்த்துகளைத் தெரிவித்துக் கொள்கிறேன். 

Anbumani Ramadoss wishes to Justice Mahadevan!

சென்னை உயர்நீதிமன்றத்தின் நீதிபதியாக கடந்த 2013ஆம் ஆண்டு நியமிக்கப்பட்ட மகாதேவன் அவர்கள் கடந்த 11 ஆண்டுகளில் சிறப்பான பல தீர்ப்புகளை வழங்கியுள்ளார். தமிழ் மொழி மீது மிகுந்த பற்றும், தமிழ் மொழியில் புலமையும் கொண்ட மகாதேவன், தமிழ் மொழி வளர்ச்சிக்காகவும் பல தீர்ப்புகளை வழங்கியுள்ளார். உச்சநீதிமன்றத்தில் 4 ஆண்டுகள் பணியில் இருக்கப் போகும் நீதிபதி மகாதேவன், சமூகநீதி, மொழி சார்ந்த சிறப்பான தீர்ப்புகளை வழங்கி நீதித்துறை வரலாற்றில் நீங்காத இடம் பிடிக்க வேண்டும் என்று வாழ்த்துகிறேன்” எனக் குறிப்பிட்டுள்ளார்.